花膠浸發

先用水喉水沖洗吓花膠表面 然後用煲浸過啲花膠, 如果放雪櫃,冚蓋後可以唔使換水 如果就咁放廚房, 就大概換三至四次水 浸一日已經全透(會由而家半透明黃色變成奶白唔透明色) 然後將浸過嘅水倒咗去, 再用水沖沖浸完出嚟嘅雜質(如有, 多數係啲血絲/塊之類) 煲一煲滾水, 放三四片拍過嘅薑 (視乎薑片大小或花膠多少, 可加可減), 再加少少酒 (孖蒸果類,無嘅話, 我都係用紹酒), 放啲浸過嘅花膠入去, 花膠遇熱水會勁縮, 係正常現象 咁等佢煲兩至三分鐘, 總之煲返滾煲水(放花膠入去時可能會降咗溫), 滾水後再煲一吓, 熄火, 倒走啲水, 夾走薑片, 啲花膠就用得 發咗嘅花膠先可以用嚟煲湯 一次過發多啲, 剩返嘅, 可以分開一分分雪喺冰格 咁每次煲提前一日放入普通格融雪就OK .